Where hae ye been a' the day,

a
Where hae ye been a' the day,
My bonny wee croodin doo?
O I hae been at my stepmother's house;
Make my bed, mammie, now, now, now!
Make my bed, mammie, now!

b
Where did ye get your dinner,
My bonny wee croodin doo?
I got it in my stepmother's;
Make my bed, mammie, now, now, now!
Make my bed, mammie, now!

c
What did she gie ye to your dinner,
My bonny wee croodin doo?
She ga'e me a little four-footed fish;
Make my bed, mammie, now, now, now!
Make my bed, mammie, now!

d
Where got she the four-footed fish,
My bonny wee croodin doo?
She got it down in yon well strand;
O make my bed, mammie, now; now, now!
Make my bed, mammie, now!

e
What did she do wi' the banes o't,
My bonny wee croodin doo?
She ga'e them to the little dog;
Make my bed, mammie, now, now, now!
Make my bed, mammie, now!

f
O what became o' the little dog,
My bonny wee croodin doo?
O it shot out its feet and died!
O make my bed, mammie, now, now, now!
Make my bed, mammie, now!